I vendosen shumë shpejt. Por për t’i tërhequr po duhet më shumë punë. Kjo pasi automjetet e vendosura nga serbët lokalë në Rudarë dhe Lagjen e Boshnjakve 20 ditë më parë nuk janë në gjendje të mirë mekanike.
E pas disa tentimeve, më në fund u ndezen.
Mirëpo fytyrat e shoferëve nuk u panë, pasi të njëjtit përdorën maska, për të mos u identifikuar.
Përveç tyre, persona të tillë me maska kanë qëndruar edhe brenda shtëpive aty afër.
Njëjtë si në Rudarë, u veprua edhe në Lagjen e Boshnjakëve.
Ndërkohë, gjatë kësaj periudhe, nuk pati patrulla të KFOR-it e as të policisë.
Ata qëndronin vetëm në pikën statike në fillim të barrikadave.
Krejt këto barrikada u vendosën pas arrestimit të ish-policit të Kosovës, Dejan Pantiq më 10 dhjetor në pikën kufitare të Jarinjës. Sipas autoriteteve të Kosovës, ai dyshohet për organizmin e “sulmit terrorist” të 6 dhjetorit ndaj zyrtarëve të Komisionit Qendror të Zgjedhjeve.
Kronika e gazetares Fetije Kamberi.
