Me atë çfarë ka parë në pjesën veriore të Kosovës, ai thotë se kjo është kriza më e madhe në vitet e fundit, e që ka potencial të jashtëzakonshëm të shpërthejë në diçka shumë më të rëndë.
Judah, tregon se Qeveria e Kosovës, i ka marrë disa këshilla nga ndërmjetësuesit e procesit të dialogut për mënyrën se si të veproj në këto raste.
“Javën e kaluar isha në Mitrovicën e Veriut dhe mund të them se është me të vërtetë një krizë serioze. Është kriza me e madhe e viteve të fundit në Kosovë. Ka një potencial të jashtëzakonshëm që kjo krizë të shpërthejë në diçka shumë më të rëndë. Mendoj se Qeveria e Kosovës është këshilluar nga ndërmjetësuesit Lajçak, Escobar dhe disa diplomatë te tjerë që të qëndrojnë të heshtur dhe te mos bëjnë ndonjë veprim derisa po punohet për një zgjidhje. Kalkulimet janë të qarta, është më mirë një muaj barrikada sesa një i vdekur”
Publicisti britanik thotë se mbrapa skenave po zhvillohen bisedime intensive për t’u gjetur një zgjidhje mes palëve, derisa vlerëson se kredibiliteti i presidentit serb, Aleksandar Vuçiq, ka rënë dukshëm në Perëndim.
“Shumë gjëra po ndodhin mbrapa skenave. Ka bisedime intensive që po zhvillohen pavarësisht se po mendohet që komuniteti ndërkombëtar po qëndron i heshtur në raport me krizën. Por duhet thënë edhe një gjë- kredibiliteti i presidentit serb, Aleksandar Vuçiq, ka rënë dukshëm në Perëndim, për shkak që ai ka refuzuar t’i vë sanksione Rusisë. Megjithatë mendoj se ndërmjetësuesit e procesit të dialogut Lajçak dhe Escobar janë duke punuar seriozisht që të arrihet një marrëveshje për normalizimin e raporteve mes palëve”
Ndërkaq, kryeministri i Kosovës, Albin Kurti, gjatë mbledhjes së Qeverisë ka deklaruar se kriminelet po e sfidojnë shtetin e Kosovës. Derisa fajtorin kryesor për situatën e tensionuar e sheh Presidentin serb, Aleksandar Vuçiq.
Kronika e gazetarit Shpat Blakçori.
