Në fjalën e tij zëvendësministri i Punëve të Jashtme, Kreshnik Ahmeti duke paraqitur këtë propozim vendim tha se i njëjti ka vlerën prej 30 mijë eurove, që sipas tij, do të mbulojnë shpenzimet e gazetarëve për periudhën e mbetur të vitit 2022.
Teksa theksoi se ky projekt propozim është marrë në përputhje me vendimin e Qeverisë së Kosovës për solidarizim me gazetarët nga Afganistani.
“Në kuadër të bashkëpunimit të Qeverisë me Federatën Evropiane të Gazetarëve dhe Qendrën Evropiane për Liri të Shtypit dhe Medies dhe në përputhje me qëndrimin e Republikës së Kosovës për solidarizim me të drejtën e gazetarëve nga Afganistani për ushtrimin e profesionit të tyre, në mënyrë të lirë dhe të sigurtë dhe vullnetin pë të iu ofruar strehim dhe kushte pune, për pasqyrim sa më gjithëpërfshirës të situatës në vendin e tyre, Ministria e Punevë të Jashtme paraqet propozim vendimin për aprovimin e programit për strehim dhe ndarjes së mjete buxhetore në vlerë prej 30 mijë eurove. Kjo shumë mbulon shpenzimet për periudhën e mbetur te vitit 2022”, tha ai.
Tutje sipas Ahmetit, përzgjedhja e gazetarëve do të bëhet nga Federata Evropiane e Gazetarëve dhe Qendra Evropiane për liri të shtypit dhe media në bashkëpunim me Qeverinë e Republikës së Kosovës ./teve1.info./