Sipas Krasniqit, video e bërë në atë moment nuk mund të jetë rastësi.
“Situata që ishte ministri aty, sinqerisht nuk kam shumë komente për këtë fakt. Fakti që kjo pamje merret nga një celular i dikujt aty brenda në lokal, tregon shumë. Për shkak se ndoshta nuk është e tëra rastësi. Dje e kemi pranuar informacionin që Prokuroria është duke u marrë me rastin dhe po presim çfarë po ndodhë. Unë jam maksimalisht i angazhuar që qasja institucionale të ndryshojë”, deklaroi Krasniqi në emisionin “Info Nata”.
Tutje, Krasniqi tha se gjatë këtij viti, Qeveria Kurti veçce ka ndërmarrë disa veprime lidhur me të njëjtat situata.
“Situata ishte shumë e vrazhdë. Pamja ku një punëtor i lokalit të caktuar, vepron në atë mënyrë të vrazhdë dhe e largon një fëmijë, është një pamje shumë trishtuese”, u shpreh Krasniqi.
Ndërsa, ministri Peci fillimisht është distancuar nga veprimi i punëtorit të lokalit i cili kap vajzën dhe e largon nga lokali, ndërsa ka thënë se ka qenë i fokusuar në bisedë dhe nuk ka parë çfarë ka ndodhur./teve1.info/.
