Përmes një postimi në Twitter, Trajkoviq ka thënë se paraqet rrezik për sigurinë e komunitetit trendi i rritjes së tensioneve duke e sulmuar KFOR-in dhe EULEX-in, raporton teve1.info
“Barrikadat nuk janë heroizëm apo përgjigje autentike e popullit (siç e prezantojnë edhe disa media të pavarura), por rezultat i politikave të gabuara të Beogradit dhe Prishtinës. Trendi i rritjes së tensioneve ndërmjet serbëve të veriut [të Kosovë] dhe KFOR/EULEX-it, përveç që është pa qëllim, është i rrezikshëm edhe për sigurinë e komunitetit”, ka shkruar Trajkoviq.
Madje ajo ka deklaruar se nuk ka qetësi në veri të vendit pa kthimin e serbëve lokal në Policinë e Kosovës, teksa shtoi se kushdo që e mohon nuk ua dëshiron të mirën serbëve.
“Nuk ka qetësi të veriut pa kthimin e serbëve lokal në Policinë e Kosovës. Kjo është e qartë dhe kushdo që e mohon, nuk u dëshiron të mirën serbëve në veri. Ka dy prioritete: kthimi në Policinë e Kosovës dhe gjetja urgjente e një kompromisi për AKS-në (ashtu siç rekomandohet nga DAS Gabriel Eskobar). Alternativa është një konflikt që do të na kushtojë shumë të gjithëve”, ka përfunduar ajo
Barikade nisu nikakav heroizam niti autentični odgovor naroda (kako ih predstavljaju čak i neki nezavisni mediji) već rezultat pogrešnih politika Beograda i Prištine. Trend porasta tenzija između severnih Srba i KFOR/EULEX sem što je besciljan, opasan je po bezbednost zajednice⤵️
— Rada Trajkovic (@trajkovic_rada) December 26, 2022
Ndyshe, të dielën një ekip i KFOR-it është sulmuar në Zubin-Potok.
KFOR-i ka konfirmuar se të dielën në mbrëmje afër një patrulle të tyre ka pasur të shtëna me armë zjarri në Zubin Potok. Për media KFOR-i ka deklaruar se nuk ka pasur të lënduar e as dëme materiale, nga të shtënat afër patrullës së tyre.
