Gazetari i Tëvë1, Fidan Zejnullahu i cili aktualisht gjendet në Rudarë, rruga që të çon në Zubin-Potok ka raportuar se situata është e qetë.
Ndërsa, të dielën një ekip i KFOR-it është sulmuar në Zubin-Potok.
KFOR-i ka konfirmuar se të dielën në mbrëmje afër një patrulle të tyre ka pasur të shtëna me armë zjarri në Zubin Potok.
Për media KFOR-i ka deklaruar se nuk ka pasur të lënduar e as dëme materiale, nga të shtënat afër patrullës së tyre.
E për këtë sulm ka reaguar edhe Minsitri i Punëve të Brendshme, Xhelal Sveçla i cili ka thënë se Serbia duhet të ndalojë së organizuari strukturat ilegale.
Kujtojmë se, grupe të ndryshme të qytetarëve serbë kanë ngritur barrikada që nga 10 dhjetori, për të kundërshtuar arrestimin e ish-policit serb, Dejan Pantiq.
Pantiq u arrestua nën dyshimin për sulm kundër anëtarëve të Komisionit Qendror të Zgjedhjeve në veri dhe ndaj Policisë së Kosovës.
Barrikadat në veri po vëzhgohen nga ekipe KFOR-it dhe EULEX-it.
Edhe kryeminsitri i Kosovës, Albin Kurti ka kërkuar largimin e menjëhershëm të barrikadave në veri, teksa ka paralajmëruar edhe një takim me komandantin e KFOR-it,
Edhe kryeministri i Kosovës, Albin Kurti ditë më parë ka paralajmëruar një takim me komandantin e KFOR-it për të sqaruar se si do të veprohet me barrikadat në veri të vendit, teksa ka thënë se “kjo nuk mund të tolerohet pafundësisht”./teve1.info
