Si pasojë e këtij aksidenti ka humbur jetën një person dhe tre të tjerë janë dërguar për trajtim mjekësor.
Lajmin për teve1.info e ka konfirmuar zëdhënësi i Policisë për rajonin e Pejës, Fadil Gashi.
Në vendngjarje ndodhet policia dhe Inspektorati Policor i Kosovës, ndërsa në këtë aksident është përfshirë edhe një zyrtar policor.
“Policia e Kosovës është njoftuar për aksidentin në orën 07:45. Në fshatin Novosellë të Pejës, dy vetura janë përfshirë në aksident. Tre persona janë dërguar për trajtim në Prishtinë, ndërsa njëri është gjetur pa shenja jete në vendin e ngjarjes. Në aksident është i përfshirë edhe një zyrtar policor”, ka thënë Gashi për teve1.info
