Përgjatë gjithë kësaj kohe, kryeministri Albin Kurti, nuk e ka takuar asnjërin nga liderët opozitarë për t’u koordinuar rreth një strategjie eventuale se si të dilet nga kjo situatë.
Njësoj, as Kuvendi i Kosovës, nuk është mbledhur në ndonjë situatë të jashtëzakonshme për të diskutuar për situatën momentale në katër komunat veriore.
Derisa partia që është në pushtet nuk po dëshiron ta komentojë këtë gjë, opozita fajtorë po e len qeverinë.
Për deputeten e Partisë Demokratike të Kosovës, Ariana Musliu – Shoshi, është shqetësuese neglizhenca e Qeverisë Kurti.
Njësoj po shprehet edhe Rrezarta Krasniqi deputete e Lidhjes Demokratike të Kosovës.
Por, Pal Lekaj, deputet i Ardhmërisë së Kosovës po paralajmëron se do të thërras seancë të jashtëzakonshme të Kuvendit për të folur rreth veriut.
Sa ishte në opozitë, kryeministri i tanishëm, Albin Kurti, vazhdimisht kritikonte kryeministrat e atëhershëm për mostransparencë në proces të dialogut dhe moskoordinim sa i përket zgjidhjes së problemit të veriut të Kosovës.
Kronika e gazetarit Arton Rama.