“Komisioni në bazë të vendimit të Kuvendit të datës 15 dhjetor 2022 në mbledhje e ka shqyrtuar dhe amandamentuar projektligjin për zyrtarët publik dhe ka vendosur që t’ia paraqes raportin me 17 amendamente prej të cilave 3 të komisionit funksional, 9 të Qeverisë, 4 të deputetëve dhe 1 nga grupi multietnik”, tha Ramadani.
Abelard Tahiri nga PDK tha se ky ligj e dëmton administratën e shtetit dhe tha se PDK nuk merr farë pjesë në votim.
“Kemi shpreh shqetësimin tonë sa i përket miratimit të këtij ligji. Konsiderojmë që sot shihet që do të votohet e cenon në thelb punën e administratës tonë publike, e dëmton jashtëzakonisht shumë dhe keni marrë vërejtje edhe nga Zyra e BE-së në Kosovë, shoqëria civile dhe të gjithë akterët. PDK është kundër dhe sot nuk do të marrë pjesë fare në votim. Kërkojmë nga Qeveria tërheqjen e këtij ligji”, tha Tahiri.
