Në njoftimin e Ministrisë thuhet se Haxhiu gjatë vizitës në Kroaci ka falënderuar homologun e saj për mbështetjen e shtetit kroat ndaj Kosovës.
Bëhet e ditur se në takim është biseduar për disa marrëveshje të përbashkëta siç është ajo për Ekstradim si dhe për Transferimin e Personave të Dënuar.
“Fillimisht ministrja Haxhiu ka falënderuar ministrin Malenica për mbështetjen e vazhdueshme të Kroacisë për Republikën e Kosovës, në veçanti në fushën e sundimit të ligjit si dhe adresuan çështjet për të cilat mund të bashkëpunojnë e që ndërlidhen me adresimin e krimeve të luftës, luftimin e krimit të organizuar dhe korrupsionin dhe dhunën në familje e me bazë gjinore. Në takim, ndër të tjera, është diskutuar për disa marrëveshje të përbashkëta, siç është Marrëveshja dypalëshe për Ekstradim si dhe për Transferimin e Personave të Dënuar, e të tjera, të cilat do të forcojnë tutje marrëdhëniet dhe bashkëpunimin në mes të dyja vendeve”, thuhet në njoftim.
Kurse bëhet e ditur se ministri kroat do ta vizitojë Kosovën në fillim të vitit 2023, me ç’rast edhe do të punohet drejt finalizimit të marrëveshjeve të tilla./teve1.info./