Këtë e ka bërë të ditur kryeministri i Kosovës, Albin Kurti në mbledhjen e Qeverisë të martën, raporton teve1.info.
Kurti ka thënë se Kosova është vendi i fundit në Ballkanin Perëndimor që aplikon për anëtarësim në BE, ani pse sipas tij, është e para sa i përket demokracisë e sundimit të ligjit.
“Aplikimin për anëtarësim në BE do ta dorëzojmë këtë javë. Jemi vendi i fundit në Ballkanin Perëndimor që po aplikojmë për anëtarësim edhe pse jemi vendi i parë sa i përket sundimit të ligji, demokracisë. Ka ardhur koha që statusin potencial për kandidat që na është njohur shumë kohë më parë të kthejmë zyrtarisht në status kandidat duke kaluar në fazë të re të marrëdhënieve me BE-në”, ka thënë Kurti.
Ai ka thënë se anëtarësimi i Kosovës në BE është në përputhje me aspiratat e Kosovës dhe i vullnetit të qytetarëve.
“Kjo është në përputhje me aspiratat tona dhe vullnetin e qytetarëve. BE është vend i paqes, barazisë dhe prosperitetit andaj edhe Republika e Kosovës e ka vendin natyrshëm në këtë shtëpi të përbashkët si një vend paqedashës edhe demokratik”, ka thënë Kurti.
Kosova mbetët vendi i vetëm në rajon që ende nuk ka fituar liberalizimin e vizave. Ndërsa që ka të nënshkruar Marrëveshjen e Stabilizim Asocimit me BE-në./teve1.info/
