Në njoftimin e Ministrisë së Drejtësisë thuhet se kryetari i Kuvendit, Glauk Konjufca, kryeministri Albin Kurti, ministrja e Drejtësisë, Albulena Haxhiu, deputetja Tinka Kurti, aktivistja Igballe Rogova, shprehën rëndësinë për angazhimin kolektiv, institucional e qytetarë, në luftë kundër dhunës seksuale, dhunës me bazë gjinore dhe femicidit.
“Për herë të parë fushata “16 ditët e aktivizmit kundër dhunës me bazë gjinore” u organizua në drejtimin e Ministrisë së Drejtësisë, me pjesëmarrjen edhe të dhjetra organizatave dhe institucioneve të tjera, duke realizuar kështu, mbi 200 aktivitete”, thuhet në njoftim.
Teksa thuhet se angazhimi kundër dhunës me bazë gjinore, përfshirë veprimet konkrete institucionale nuk do të mungojnë edhe në të ardhmen, deri sa të mos ketë as edhe një më shumë./teve1.info./
