Të premten Argjentina zhvillon ballafaqimin me Holandën, ndeshje kjo që i takon çerekfinales dhe përcakëton gjysmëfinalistin e parë në Kupën e Botës, Katari 2022.
Një përballje mjaft interesant por edhe e vështirë për argjentinasit, edhe pse luajnë një sfidë agresive, por që “tulipanët” kanë treguar lojëra të mira, dhe që nuk do të jetë aspak lehtë për Argjentinën.
Trajneri Lionel Scaloni ka treguar se stërvitja e fundit e ekipit të tij ka qenë me dyer të mbyllura.
“Dje kemi pasur stërvitje me dyer të mbyllura. Nuk e di si e dini se Rodrigo mund të jetë i lënduar. Pra, nëse ata ndihen mirë, atëherë do të shohim në stërvitjen e sotme nëse do të jenë në formacion”, tha ai.
Teksa, Scaloni u përball në konferencë për media edhe për Dybalan, por që vetë trajneri argjentinas pranoi se ai është një formë të mirë fizike, por që nuk e ka parë të arsyeshme ende për ta aktivizuar në lojë.
“Dybala është në formë shumë të mirë, por unë nuk e kam parë ende të arsyeshme ta aktivizoj, ndaj nuk ka luajtur. Jam shumë i kënaqur me sjelljen e tij dhe mbi të gjitha me formën”, tha trajneri i Argjentinës.
Argjentina kaloi në çerekfinale të Kupës së Botës pasi eliminuan Australinë me rezultat 2-1, derisa Holanda bindi në ndeshjen me Amerikën që e mposhti 3:1. /Tëvë1/
