Përmes një postimi në Facebook, Murati ka treguar se bëhet fjalë për projektin e Ngrohjes Qendrore Solare dhe atë për Parkun Solar të KEK-ut.
“Bordi Operacional i Kornizës Investuese të Ballkanit Perëndimor (WBIF) ka miratuar aplikimet tona për grante investive në vlerë prej mbi 55 milionë euro total, për dy projekte energjetike – atë të Ngrohjes Qendrore Solare, dhe atë për Parkun Solar të KEK. Edhe marrëveshjet financiare do t’i nënshkruajmë në ditët në vijim, dhe kështu i hapet rrugë fillimit të zbatimit të dy projekteve kaq të rëndësishme”, ka shkruar ministri Murati.
