Përmes një postimi në Facebok, Hoti ka thënë kjo nuk është zgjidhja e duhur për tejkalimin e krizës ekonomike nga inflacioni, por sipas tij është zgjidhja e vetme që ka mbetur në dispozicion të qytetarëve për të përballuar më lehtë krizën, shkruan teve1.info.
“Këta qeveritarë as nuk i shpenzojnë vetë mjetet e buxhetit në rritje të pagave e në projekte kaptiale, e as nuk i ulin tatimet dhe akcizat për t’ua lënë në dispozicion qytetarëve ato mjete. Përderisa nuk i përfillen propozimet tona si opozitë për ndihmë ndaj qytetarëve, në seancë plenare projektligji për tërheqjen e mjeteve të Trustit Pensional duhet të votohet”, ka shkruar Hoti.
Sipas Hotit Qeveria ka pasur në dispozicion dy mundësi për tu dalë në ndihmë qytetarëve, përmes rritjes së pagave dhe rritjes së pagës minimale në sektorin privat ose uljes së TVSH-së nga 18% në 8% dhe heqjes së përkohshme të akcizës.
“Të dyja këto masa kanë qenë plotësisht të realizueshme, sepse të hyrat buxhetore janë rritur me mbi 20% për shkak të rritjes së çmimeve. Në vend që mjetet buxhetore të shpenzohen duke i rritur pagat dhe duke i realizuar projektet kapitale, sot në buxhetin e shtetit janë grumbulluar rreth 700 milionë euro që po i zhvlerëson inflacioni”, ka shtuar ai.
