Fakti që të niste ndeshjen nga bankinë duket se nuk i ka pëlqyer aspak Cristiano Ronaldos, saqë ka refuzuar t’i bashkohet ekipit kombëtar te Portugalisë në stërvitje.
Sipas raportimeve nga mediumet në Spanjë ylli luzitan ka hezitur t’i bashkohet në stërvitje me zëvendësuesit e Portugalisë, derisa ka insistuar të bashkohet me titullarët.
Kundër Zvicrës, Ronaldo e nisi nga stoli pasi në vendin e tij ishte Goncalo Ramos që shënoi “hat-trick”, kurse CR7 hyri si zëvendësues i Joa Felix nga minuta e 74.
Të shtunën nga ora 16:00 Portugalia e ka për kundërshtarë Marokun në çerekfinale, ku të dy ekipet kombëtare kërkojnë biletën kualifikuese për gjysmëfinale. /Tëvë1/
