Përmes një postimi në Facebook ajo ka thënë se LDK i dënon sulmet dhe kërkon që të identifikohen të gjithë ata që janë të përfshirë dhe të vihen para institucioneve të drejtësisë.
“Lidhja Demokratike e Kosovës po ndjek me shqetësim të thellë ngjarjet e fundit në veri të vendit, sulmet ndaj institucioneve dhe ndaj rendit kushtetues të Republikës. LDK-ja dënon sulmet e sotme dhe kërkon që, të gjithë ata që janë përfshirë të identifikohen dhe sa më parë të vihen para institucioneve të drejtësisë”, ka shkruar ajo.
Tutje Halimi ka thënë që LDK-ja. e sheh të domosdoshme që në këto momente institucionet e Kosovës ti koordinojnë veprimet e tyre me partnerët ndërkombëtarë.
Sipas saj, qetësia, siguria dhe ushtrimi i sovranitetit në territorin e vendit nuk kanë alternativë.
“LDK-ja vlerëson se në këto momente është e domosdoshme që institucionet e Kosovës, të koordinojnë të gjitha veprimet me partnerët tanë me qëllim të ofrimit të sigurisë për gjithë qytetarët e vendit dhe institucionet e pavarura. Qetësia, siguria dhe ushtrimi i sovranitetit në tërë territorin e vendit nuk kanë alternativë.LDK-ja kërkon nga Qeveria qartësi dhe plan konkret për gjendjen në veri”, shkroi ajo./teve1.info./
