Ai ka thënë se Rashiq ka dinjitet të një intelektuali dhe nuk është i manipuluar nga Vuçiq dhe politikanë tjerë nga Serbia.
“Padyshim se është i ligjshëm, unë mendoj se është edhe vendim i drejtë. Rashiq ka një dinjitet të një intelktuarli të një qytetari të pangarkuar e ekstremist qysh janë të tjerët dhe i pa manipuluar prej politikes serbe. Sa i përket emërimit të tij konsideroj që është krejt i ligjshëm”, ka thënë Manaj në emisionin “Respublika” në Tëvë1.
Emërimi i Rashiqit ngjalli reagime, ndërsa që u vlerësuar anti-kushtetues dhe nga BE.
Ndërsa, presidenti i Serbisë, Vuçiq kishte thënë se nuk do të marrë pjesë as në samitin e BE-së me vendet e Ballkanit Perëndimor që do të mbahet më 6 dhjetor në Tiranë pas këtij vendimi të Kurtit.
Kurti e emëroi Rashiqin në pozitën e ministrit, pas largimit nga institucionet e Kosovës të Listës Serbe dhe përfaqësueseve tjerë serbë.
Ky vendim kishte ardhur pasi Qeveria kishte vendosur të ndalojë qarkullimin e veturave me targa të lëshuara nga Serbia në veri të Kosovës.
Por, këtë vendim ish-zëvendëskryeministri nga radhët e LDK-së në koalicionin Qeverisës PDK-LDK të vitit 2009 e vlerësoi legjitim në aspektin juridik dhe kushtetues, por sipas tij në aspektin politik nuk ka dalë mirë.
Madje ai tha se edhe marrëveshje e 23 nëntorit nuk është zgjidhje dhe më e mirë do të ishte të pranohej kërkesa e ndërkombëtarëve për shtyrje.
“Mendoj se gabimi më i madh është bërë që nuk është pranuar shtyrja, sepse zgjidhja që është pranuar mendoj se është më e pafavorshme se sa shtyrja. Në fakt kjo nuk është zgjidhje, është një veprim aktut për ta pezulluar zbatimin e vendimit”, tha Manaj në Respublika.
