Përmes një postimi në Facebook, ai ka thënë se Kurti sot ka fajësuar shoqërinë për rritjen e dhunës në familje, shkruan teve1.info
“Prej skandalit në skandal! Pas një reagimi jodinjitoz e fyes mbrëmë, Kryeministri sot paska fajësuar tërë shoqërinë për rritjen e dhunës në familje. Po thotë se kemi pak policë e shumë familje”, ka shkruar Krasniqi.
Tutje Krasniqi ka pyetur se kush do të merret me dorasin nëse arrihet kapja e tij, teksa ka shtuar se i gjithë sistemi gjyqësor është në grevë për shkak të inateve të Kurtit.
“E treta, sot janë bërë 101 ditë pa Ministër të Shëndetësisë. Një zonjë, që priste të bëhej nënë për herë të parë, nuk arriti ta mbajë asnjë sekond në duar foshnjën e saj sepse u vra mizorisht, bashkë me foshnjen, në një institucion publik, i thirrur për të shpëtuar jetë. E katërta, ku është reagimi shtetëror? Ku është dorasi? Kush do të merret me të, edhe nëse arrini që ta kapni? Sistemin gjyqësor e ke në grevë, për shkak të inateve dhe tekeve tua krejt personale”, ka shkruar Krasniqi.
Kreu i PDK-së, theksoi se Kurti asnjëherë nuk e lë fajtor dhe ministrat e tij por vetëm opozitën, shoqërinë, mësuesit, policët etj.
Ndër të tjera, Krasniqi tha se nuk pret dorëheqje as llogaridhënie nga askush në qeverinë e Kurtit, pasi sipas tij, për të dhënë dorëheqje duhet të “kesh integritet, moral dhe etikë, të jesh i përgjegjshëm e profesional”,
“E pesta, hapi i parë për të rregulluar diçka është ta pranoni fajin. Ju vazhdoni të shfajësoheni, duke bërë të gjithë fajtorë, opozitën, shoqërinë, mësuesit, policinë, gjykatësit, mjekët, por asnjëherë, ama asnjëherë, veten dhe ministrat e tu. Dhe e fundit, por jo më pak e rëndësishme – unë nuk pres dorëheqje as llogaridhënie nga askush në Qeverinë tënde. Për të dhënë dorëheqje, duhet të kesh integritet, moral dhe etikë, të jesh i përgjegjshëm e profesional. Ju nuk keni këso profile në kabinetin tuaj. Keq, shumë keq”, ka shkruar ai.
Kujtojmë se, vrasja e gruas 35-vjeçe shtatzënë, ndodhi dje pranë klinikës së Gjinkelogjisë në Prishtinë rreth orës 18:00.
Dorasi ndodhet ende në arrati, ndërsa i njëjti është emër i njohur për organet e rendit. E ndjera kishte urdhër-mbrojtjeje për 6 muaj, e i dyshuari kishte aktakuzë për kanosje./teve1.info
