“Është i mirëpritur propozimi franko-gjerman apo propozimi i Brukselit i quajtur së fundmi për dialogun Kosovë-Serbi. Çdo përpjekje për dialog dhe gjetjen e zgjidhjes mes Kosovës dhe Serbisë është i mirëpranuar nga ana jonë. Sa i përket procesit të Berlini, është shumë i rëndësishëm dhe firmosja e 3 marrëveshjeve për lëvizshmërinë krijoni premisa për marrëveshje të reja dhe në të ardhmen. Është e rëndësishme implementimi i këtyre marrëveshjeve domethënë që vendet të respektojnë marrëveshjet e firmosura dhe nuk është se unë mund të jap ndonjë këshill qeverisë në lidhje me Balkanin e Hapur apo procesin e Berlinit”.
Më tej, ai ka thënë se procesi i Berlinit nga ana e Qeverisë është marrë seriozisht dhe ka pranuar që vitin tjetër, Samiti i Procesit të Berlinit të zhvillohet në Tiranë.
“Kjo tregon që qeveria Shqiptare është e angazhuar dhe punon për gjetjen e rrugëve dhe marrëveshjeve të reja në këtë kohë”, ka shtuar ai.
Ndërsa, lidhur me Ballkanin e Hapur, Begaj ka thënë se është një proces integral, duke shtuar se do ketë fokus vetëm në lëvizshmërinë, lirinë e lëvizjes dhe bashkëpunimit ekonomik si dhe është i mirëpritur për faktin që Shqipëria ka qenë pjesë e dialogut.
Ndërkohë Steinmeier tha: “Nuk është dërguesi i propozimeve i rëndësishëm, çdo kontribut që sjell në uljen e përshkallëzimit të konflikteve është i mirëpritur përndryshe unë mund të them shumë respekt për kolegun dhe mikun tim Laiçak i cili e ka shndërruar në një mision të tijin pasionant me përvojë, dije dhe durim të madh ka trajtuar pikërisht këtë proces të normalizimit të dialogut”.
