Në fjalën e tij në Kuvendin e Kosovës, ai tha se përveç thirrjes së interpelancës me kryeministrin e vendit, nga Aleanca për Ardhmërinë e Kosovës, do të kishte dashur të mbahej edhe një mbledhje e mbyllur.
Sepse sipas tij, situata në veri të vendit është në pikën më të ulët të politikës në këto 20 vitet e fundit.
“Kolegë nga Aleanca e kanë ftu një seancë të hapur, unë më me qef do të kisha dashtë ta kemi një seancë të mbyllur dhe të flasim shtruar dhe seriozisht për këtë temë, jo me pritjen që vetëm ta sulmojmë Qeverinë sikurse pret opinioni publik. Situata në veri të vendit është në pikën më të ulët të politikës në këto 20 vietet e fundit dhe është fillimi më i vështirë që ka pasë Kosova në këto 20 vitet e fundit, ose më mirë me than pas shpalljes së pavarësisë së Kosoëvs|”, tha ai.
Tutje ai tha se situata në veri aktualisht është një gropë e madhe politike sepse sipas tij, derisa po mbahet kjo senacë në veri të vendit nuk ka as institucione shtetërore e as procese politike.
“Nuk është vetëm vakum por humnerë politike, ku komunat e Kosovës janë pa kryetarë, ku asambletë janë pa këshilltarë, ku stacionet janë pa polic, ku Gjykatat janë pa prokuror dhe gjykatës dhe kjo është situatë reale. Unë mendoj që do të duhet të jemi të saktë nëse dëshirojmë ta normalizojmë situatën. Situata në veri të vendit ndaq thoni është vrimë e zezë, ndaq një gropë e madhe politike, sepse aktualisht kur ne po bisedojmë nuk ka as institucione shtetërore, as proces politik për t’i krijuar ato”, tha Hoxhaj.
Teksa theksoi se data e 5 nëntorit është ora më e keqe e historisë moderne të shtetit të Kosovës, ku sipas tij, ajo çka është ndërtuar që nga viti 2008 është rënuar me 4 dhe 5 nëntor.
“Data e 5 nëntorit është ora më e keqe e historisë moderne të shtetit të Kosovës, ku çka ke ndërtuar nga viti 2008 është shemb me 4 e 5 nëntor. Prandaj unë i kisha ftuar përtej kësaj seance të kemi një seancë të mbyllur kurdo që kryeministri mendon që të flasim për këtë temë. Situata në veri të vendit ka qenë gjithmonë komplekse, por pas 5 nëntorit është një kollaps i plotë shtetëror”, shtoi ai./teve1.info./
