Në një konferencë për medie, Ramosaj tha se nëse nuk do të ketë reflektim nga Qeveria, së bashku me kryetarët e Komunave që udhëhiqen nga AAK-ja, vendimin do ta dërgojnë në Gjykatë Kushtetuese.
“Në këtë paragraf është cenuar diçka që komunave u jepet me ligj dhe me Kushtetutë e që i japin qytetarët me taksat e tyre”, tha ai.
Ramosaj tha se neni me të cilin u kërkohen mjetet Komunave, është kontrabanduar në projektligj.
“Praktikisht ky është aspekti financiar që iu bëhet komunave dhe në aspektin tjetër, që çdo ligj që amandamentohet duhet të ketë një procedurë të saktë që kur të bëhet ky propozim të pyeten komunat që ti japin komentet e saja, kurse këtë rast është kontrabanduar ky nen në këtë Projektligj”, tha Ramosaj.
Ramosaj këtë reagim e quajti hap të parë, derisa tha se hapat tjerë do të jenë ligjor deri në Gjykatë Kushtetuese.
