. Grafitet e dyshimta, me gabimin drejtshkrimor për akronimin UÇK (Ushtria Çlirimtare e Kosovës), janë përdorur në formë propagande nga mediat e zyrtarët serbë.
Drejtori i së ashtuquajturës Zyrë për Kosovën, Petar Petkoviq ka shpërndarë fotografitë e grafiteve, duke iu drejtuar raportueses për Kosovën në Parlamentin Evropian, Viola von Cramonit për kërcënimet që sipas tij pou bëhen serbëve në Kosovë.
Ndaj Petkoviqit ka reaguar nënkryetarja e PDK-së, Vlora Çitaku, duke thënë se Petkoviq do të duhej t’i mësonte agjentët se si shkruhet UÇK.
“Oh Zot. Ndaluni. Është e turpshme. Të paktën është dashur t’ua mësosh agjentëve të tu se si shkruhet drejt UÇK”, ka shkruar Çitaku, duke iu drejtuar Petkoviqit.
