Në një postim në Facebook, Meta ka bërë të ditur se së bashku me Osmanin kanë shkëmbyer opinione mbi marrëdhëniet vëllazërore mes dy vendeve.
Meta ka shtuar se Kosova duhet të anëtarësohet sa më parë në NATO.
“Si gjithmonë, shumë i lumtur të takohesha në Maltë me Presidenten e Republikës së Kosovës, Vjosa Osmani dhe të shkëmbenim opinione mbi marrëdhëniet vëllazërore mes dy vendeve dhe vullnetin për t’i pasuruar ato më tej. Ritheksuam sa jetike janë vizioni i përbashkët dhe vlerat euro-atlantike që ndan Shqipëria dhe Kosova në këto momente sfidash rajonale, europiane dhe botërore. Kosova sa më parë në NATO, një përgjigje në të mirë të paqes, stabilitetit, sigurisë dhe zhvillimit’, ka shkruar presidenti Meta. /Teve1.info/
