Po ashtu është takuar edhe me ministren gjermane të Eknomisë, Nicole Hoffmeister-Kraut.
Përmes një postimi në Twitter, Kurti njoftoi se me ministren, Hoffmeister-Kraut kanë diskutuar për përmisimin e marrëdhënieve ekonomike dhe tregtare mes dy vendeve, shkruan teve1.info
Në fjalën e tij, kryeministri Kurti foli për mundësitë që Kosova ofron për investitorët e huaj dhe vlerat që ndanë me Bashkimin Evropian. Ai tha se vendi ynë ka një qeveri demokratike dhe institucione të qëndrueshme që përbëjnë bazë të favorshme për investitorë që synojnë investime të qëndrueshme dhe kthim të tyre.
Si një nga përparësitë e Kosovës, kryeministri Kurti e veçoi kapitalin njerëzor. Me 2/3 e popullatës nën moshën 35 vjeçare, fuqi punëtore të talentuar dhe të motivuar dhe që flet gjuhë të huaja, Kosova paraqet një mundësi shumë të mirë për bizneset gjermane. Me këtë rast, ai u bëri ftesë përfaqësuesve të bizneseve që të vizitojnë Kosovën.
“Sot në Shtutgart dhashë fjalimin e hapjes në Osteuropaforum gjatë ekspozitës #GlobalConnect. Më vonë, pata kënaqësinë të takovoj Ministren e Ekonomisë Nicole Hoffmeister-Kraut, me të cilën diskutova se si të përmirësojmë më tej marrëdhëniet tona ekonomike dhe tregtare”, ka shkruar Kurti.
Ndryshe, Global Connect është një forum ekonomik për eksport dhe ndërkombëtarizimin e ndërmarrjeve në Gjermani, të cilat janë të interesuara për zgjerimin e veprimtarisë së tyre kryesisht jashtë vendit. Ai është forumi i vetëm i këtij formati në Gjermani dhe ofron mundësinë e ndërlidhjes së afaristëve dhe krijimin e kontakteve të reja. Në kuadër të forumit, i cili po mbahet sot është dhënë mundësia që Republika e Kosovës të ketë shtandin e vet për të prezantuar mundësitë e saj për investitorët gjermanë dhe të tjerë.
Today in Stuttgart 🇩🇪 I gave the opening address at the Osteuropaforum during the exhibition #GlobalConnect. Later, I was pleased to meet with Minister of Economy Nicole Hoffmeister-Kraut, with whom I discussed how to further enhance our economic and trade relations. pic.twitter.com/830EdFKxrO
— Albin Kurti (@albinkurti) November 15, 2022