Përmes një njoftimi për media, Prokuroria ka bërë të ditur se rasti i shënjestruar është i koduar me emrin “Reflektori”.
Sipas Prokurorisë, 11 persona janë përfshirë në këtë rast për veprën penale “Blerja, posedimi, shpërlaja dhe shitja e pa autorizuar e narkotikëve, substancave psikotrope dhe analoge”, si dhe ‘mbajtja në pronësi ose posedim i paautorizuar i armëve”.
“Prishtinë, 15 nëntor 2022 – Kryeprokurori i Prokurorisë Speciale të Republikës së Kosovës, Blerim Isufaj, ka mbajtur sot takimin e radhës me ekipin e përbashkët për përzgjedhjen dhe shënjestrimin e Krimeve të Rënda, ku kanë shënjestruar një (1) rast të ri me njëmbëdhjetë (11) persona. Prokuroria Speciale njofton se rasti i shënjestruar është i koduar me emrin “Reflektori”, ku janë të përfshirë njëmbëdhjetë (11) persona, për veprën penale ‘Blerja, posedimi, shpëlarja dhe shitja e pa autorizuar e narkotikëve, substancave psikotrope dhe analoge’nga neni 267 paragrafi 2 lidhur me nenin 275 paragrafi 1 nën paragrafi 1.1 të KPRK-së, si dhe për veprën penale ’Mbajtja në pronësi, kontroll ose posedim të paautorizuar të armeve’ nga neni 366 paragrafi 1 të KPRK-s”, thuhet më tej në njoftim. /Teve1.info/
