Tahiri në një konferencë për media duke folur për dialogun me Serbinë, tha se fokusi duhet të jetë në marrëveshjen finale me njohje reciproke dhe çdo veprim tjetër është humbje kohe, raporton teve1.info.
“Për zotin Borell dhe Bashkimin Evropian porosia ime është që të jenë po ashtu të zëshëm edhe me Vuçiqin i cili drejtpërdrejtë është duke bërë një agresion ndaj vendit tonë përmes strukturave të tij politike dhe paralele dhe kriminale dhe kjo qasje disi po e zbehë besimin e diskutimit dhe diskursit, pra porositë nuk janë të barabarta”, tha ai
Tahiri theksoi se Bashkimi Evropian nuk i ka porositë e ekulibruara në mënyrë të barabartë për Kosovën dhe Serbinë.
“Shihet qartë se Bashkimi Evropian nuk i ka porositë e ekuilibruara dhe nuk i ka të njëjta si për Serbinë ashtu edhe për Kosovën, duhet pak ta kthej edhe nga Beogradi sepse është duke e destabilizuar me agjendë ruse Kosovën”m shtoi Tahiri./Teve1.info/
