Sipa deklaratës së ankuesit, thuhet se në rrugën “Dëshmorët e Kombit” në Mitrovicën e Jugut, ankuesi ishte kanosur nga 19-vjeçari i cili kishte ekspozuar një armë dhe ishte larguar nga vendi i ngjarjes, raporton teve1.info
Policia ka bërë të ditur nga i dyshuari është konfiskuar një armë e llojit pistoletë dhe dy fishek.
“Lidhur me rastin janë ndërmarrë veprime të nevojshme hetimore me ç’ rast është identifikuar dhe arrestuar personi i dyshuar D. S., 19 vjeçar, shtetas i Republikës së Kosovës. Nga i dyshuari është konfiskuar një armë e llojit pistoletë me dy fishke e cila dyshohet se është ekspozuar nga i dyshuari në veprën penale”, thuhet në raport.
Ndërsa bazuar në veprimet e para hetimore dyshohet se veprës penale të kanosjes t’i ketë paraprirë një zënkë ndërmjet të dyshuarit dhe ankuesit.
Rasti është iniciuar dhe është duke u hetuar për veprat penale ‘Kanosje’ dhe “ Armëmbajtje pa leje”.
Pas intervistimit, me urdhër të prokurorit të rastit, i dyshuari është liruar për procedurë të rregullt.
