Abazi tha se plani franko-gjerman është një hap tutje drejt barazisë së palëve të përfshira në dialog. Ai tha se plani franko-gjerman është shumë më i avancuar se sa plani 6 pikësh i Ban Ki Moonit i propozuar vite më parë.
“Situata me 9 pikshin është shumë më e avancuar me sesa 6 pikshi i Ban Ki Moonit edhe sesa dialogu 10-vjeçar që është mbajtur… Kornizimi i atij dialogu ka qenë për çështje të brendshme të Kosovës, kornizimi 9 pikësh është për problemin ndërmjet Kosovës dhe Serbisë e cila duhet të përfundojnë ose Serbia duhet ta rikonfirmojë në tavolinën e dialogut atë që e thotë në media çdo ditë… që kurrë nuk do ta njohin pavarësinë e Kosovës, atëherë kjo na bien në një situatë shumë të rëndësishme, nuk është më e mira po e rëndësishme është që ne duhet të orientohemi në procesin integrues të Kosovës ndaras prej kësaj kapjes dhe mbajtjes peng nga ana e Serbisë që është lejuar për vite të tëra”, tha ai.
Tutje deputeti i VV-së, tha se modeli i dy Gjermanive nuk do të duhej asnjëherë në tavolinë si ide, pasi që sipas tij, situata në mes të Serbisë dhe Kosovës nuk është e njëjtë me atë të dy Gjermanive të cilat janë ndarë për shkak të qëndrimeve të Koalicioneve në luftë.
“Modeli i dy Gjermanive nuk do të duhej asnjëherë të vihej në tavolinë si ide sepse nuk kemi të bëjmë me dy etnitete që janë ndarë për shkak të qëndrimeve të koalicioneve në luftë… këtu nuk kemi të bëjmë një gjë të tillë si në Gjermani, kemi të bëjmë me mbi 95 për qind të popullatës së Kosovës për pavarësi, në fillim në fakt lufta është bërë për bashkim me Shqipërinë, por si kompromis është pranuar shteti i Kosovës dhe fakti që dikush mund të tentoj ta përkufizoj çështjen e Kosovës, Serbisë si të dy Gjermanive mund të lë një përshtypje të gabuar se një ditë mund të ndodhë që Kosova mund të ketë vullnet për t’u kthyer nën Serbi që është e pavërtetë në fakt”, deklaroi Abazi.
Sipas Abazit, i vetmi vullnet mund të jetë është ai i bashkimit me Shqipërinë./Teve1.info/
