Tahiri theksoi se agjenda e kryeministrit, Albin Kurti është më e rëndësishme të jetë jashtë vendit sesa në Kosovë, teksa shtoi se për këtë aryse nuk kanë arritur të dakordohen për një datë të caktuar për interpelancë gjatë kësaj jave, raporton teve1.info
Sipas tij, për AAK-në mos prezenca e Kurtit në vend në këtë kohë është një shqetësim i madhë.
Në një konferencë për media ai tutje tha se tani më shumë se kurr duhet të ketë një çasje serioze e disiplinuar dhe gjithëpërfshirëse.
“Për Aleancën një moment është shumë kritik, sot për Kosovën ajo e gjendjes në veriun e Kosovës siç e dini ne kemi thirrur një interpelancë me katër pika për kryeministrin e Kosovës, në kryesi e diskutuam këtë interpelancë që ndodhë këtë javë mirëpo siç po shihet agjenda e kryeministrit është me qenë jashtë vendit se me qenë brenda dhe nuk arritëm të dakordojmë një datë të caktuar për në interpelancë këtë javë”, tha Tahiri.
Shefi i Grupit Parlamentar të AAK-së më tej tha se synimi i interpelancës është që të jap një zgjidhje në një situatë ashtu siç e quajti ai “tepër të rëndë të sigurisë dhe politke në vend”.
“Jemi duke pritur një përgjigjje nga kryeministri, për shkak se interpelanca është me kryeministrin me një propozim rezolutë në katër pika që t’i përgjigjet”, shtoi ai.
Madje Tahiri përmendi edhe buxhetin e Kosovës për vitin 2023, teksa tha se në analizën e parë të AAK-së në buxhet shohin totalisht pa vizion dhe i pa reflektueshëm në gjendjen në të cilën është Kosova sot.
“Është edhe një temë shumë e rëndësishme, ajo që lidhet me buxhetin 2023, në analizën e parë të Grupit Parlamentar të Aleancës për Ardhmërinë e Kosovës shohim që ky është një buxhet totalisht pa vizion dhe i pa reflektueshëm në gjendjen në të cilën është sot Kosova”, deklaroi Tahiri.
Tahiri përmendi deklaratën e ministrit të Financave, Hekuran Murati i cili ka bërë thirrje sektorit privat që të rrisin pagat e punëtorëve, Tahiri këtë deklaratë e cilësoi skandaloze, duke thënë se ministri Murati rritjen e pagave të sektorit publik e ka në dorë.
“Deklarata skandaloze e ministrit të Financave, ai del e i’u thotë sektorit privat dilni dhe rritni rrogat e punëtorëve të juvë që i’u ka rritë fitimi përderisa në këtë buxhet në këtë sesion nuk e ka sjell ligjin e pagave që e ka në dorë”
“Ministri murati e ka në dorë ngritjen e pagave në sektrin publik, dhe e ka buxhetin për këtë punë”, shtoi ai./teve1.info
