Kanë përfunduar edhe tri sfidat e fundit të xhiros së 17-të të Superligës së Kosovës në futboll.
Ballkani është kthyer të fitorja, pasi në shtëpi mposhti 2:0 Ferizajin.
Pavarësisht rastëve nga skuadra vendase, golat në këtë takim erdhën vetëm në 45 minutat e pjesës e dytë.
Armend Thaqi në minutën e 67` i dha epërsinë Ballkanit. Kurse, për 2:0 u përkujdes Albion Rrahmani në minutën 84`.
Edhe Drita është kthyer të fitorja, teksa triumfuan 3:1 ndaj Malishevës.
Drita 45 minutat e parë i mbylli në epërsi ndaj Malishevës me rezultat minimal 1-0. Golin e vetëm e realizoi Besnik Krasniqi nga penalltia në minutën e 10`.
Pjesa e dytë nisi më mirë për mysafirët, kur talenti i madh Drilon Hazrollaj doli përballë Faton Malokut dhe e mposhti për tu barazuar shifrat në 1-1.
Megjithatë nuk vonoi shumë dhe Drita riktheu epërsinë, kur Ilir Blakcorri realizoi një gol të bukur nga distanca për 2-1.
Drita vazhdoi dominimin, derisa krejt në fund të ndeshjes Ardit Tahiri realizoi për rezultatin përfundimtar 3-1.
Ndërkaq fitore në transfetë ka arritur Gjilanin, derisa e mposhti Llapin me shifra 1:0 Llapin në “Zahir Pajaziti”.
Pjesa e parë u karakterizua me iniciativa nga dy skuadrat ku krijuan raste, por jo edhe gola.
Pjesa e dytë ishte më e zjarrtë, pasi ndeshja filloi menjëherë drejtuar sulmit të ekipeve.
Në minutën e 50` pas një gabimi në mbrojtje të llapjanëve shënoi Solomoni.
Në minutat e fundit të ndeshjes Llapi u vërsulën drejt sulmit.
Krijuan raste, madje ishin shumë pranë të barazojnë shifrat, por topi nuk po kalonte vijën fatale.
Me fitoren e marr sot Gjilani pozicionohet në vendin e tretë me 26 pikë.
Ndërsa, Llapi qëndron në vendin e gjashtë me 16 pikë.
