Kusari – Lila deklaroi se largimi i përfaqësuesve serb nga institucionet e Kosovës ka ardhur nga Serbia në pamundësi të ballafaqimit me realitetin të pashmangshëm për zgjidhjen finale dhe normalizmin e marrëdhënieve mes dy shteteve shkruan teve1.info
“Përderisa së bashku po kalojmë një periudhë të dinamikës së rritur të ngjarjeve politike krahas edhe aty të sigurisë dhe përpjekjeve për tejkalimin e rrethanave të ndikuara nga jashtë në situatën ekonomike duhet të jemi të vetëdijshëm dhe të respektojmë mekanizmat shtetërorë dhe bartësit e saj në të gjithë territorin e vendit në veçanti në katër komunat e Republikës së Kosovës, atje instistucionet e vendit po ballafaqohen me rrethana të reja të cilat erdhen si rezultat i ndikimt dhe presionit të Serbisë dhe Vuçiqit në pamundësi të ballafaqimit të realitetit të pashmangshëm për zgjidhjen finale dhe normalizmin e raporteve në mes të dy shteve”, tha ajo.
Tutje Kusari ka thënë se qytetarët serb po ballafaqohen me presion e dhunë të vazhdueshëm nga Serbia për të braktisur punën dhe obligimin e tyre qytetarë.
“Duhet të kemi të qartë se mekanizmat e shtetit ligjor nuk duhet të dallojnë qytetarin nga bazat etnike por duhet të ofrojnë të drejtat elementare njerëzore dhe shërbimet e shtetit demokratitk dhe të barabartë për të gjithë pa dallim”, deklaroi Kusari – Lila.
Kusari – Lila foli edhe për dorëzimin e mandateve të deputetëve të Lisës Serbe, duke thënë se ata me urdhër të presidentit serb, Aleksandër Vuçiq kanë dorëzuar mandatet, teksa shtoi se ata edhe kur kanë qenë në Kuvend nuk kanë përfaqësuar interesat e qytetarëve serb.
“Të drejtat dhe interesat e komuniteteve jo shumicë janë qartë të definuara në Kushtetutën e Republikës së Kosovës dhe në ligjet e saja përfshirë vendet e rezervuara në Kuvendin e Republikës në të cilin tashmë edhe zyrtarisht deputetët serb me urdhër të Vuçiqit dorëzuar mandatet e tyre, ata edhe kur ishin këtu nuk përfaqësuan as minimalisht interesat e qytetarëve serb në Kosovë”, tha ajo.
Mimoza Kusari-Lila si përfaqësuese e shumicës dhe e pozitës ajo iu drejtua komunitetit serb në gjuhën e tyre.
Ajo u tha qytetarëve serb se përfaqësuesit e tyre kanë lëshuar Kuvendin sepse ata kanë qenë dhe do të mbesin të përkushtuar për presidentin serb, Aleksandër Vuçiq.
“Përfaqësuesit tuaj e kanë lëshuar Kuvendin, për të cilin në këtë Kuvend nuk janë përkushtuar për të drejtat e juaja. Ata kanë qenë dhe mbesin të përkushtuar për Vuçiqin dhe strukturat kriminale. Të njëjtit ju cenojnë nga urdhrat e shtetit të Serbisë, të cilët nuk respektojnë të drejtat e pakicave në shtetin e tyre”. tha Kusari – Lila.
“E njëjta politika iu ka detyruar që të lëshoni punë. E njëjta politikë ju shqetëson duke ju larguar nga integrimi nga ky shtet”, shtoi ajo./teve1.info
