Pavarësisht humbjes me shifra 2:0, Empoli bëri njërën nga paraqitjet me të mire të tyre në kampionat, ndaj një skuadre si Napoli që ka sulmin me të mirë të momentit në Serie A.
Njëri nga kryesorët e skuadrës së Empolit ishte mbrojtësi i kombëtares shqiptare, Ardian Ismajli që shkëlqeu ndaj napolitanëve, dhe ishte lojtari që spikati më shumë nga të gjithë bashkëlojtarët e tij, duke ndaluar një pjesë të madhe të sulmeve të parreshtura nga skuadra vendase.
Mbrojtësi i kombëtares shqiptare është duke kaluar periudhë shumë të mirë, ndërsa në verë u ndoq nga disa klube të Seria A.
Megjithatë tashmë edhe në Europë po e ndjekin me shumë vëmendje, madje mediet italiane raportojnë se një nga klubet që ka shfaqur më shumë interes për Ismajlin është Feyenoord.
