Tahiri thotë se Qeveria duhet të jap shpjegime se si është rritur prezenca e EULEX-it në veri dhe a u kërkua leje.
“Shtimi i prezencës së EULEX-it në veri i shërben qetësisë dhe sigurisë, mirëpo, kjo rrezikon ta kthej në protektorat veriun, të cilën e synon Serbia. Qeveria duhet të jap shpjegime si u rrit prezenca e EULEX-it në veri, a u kërkua leje nga qeveria, apo ndoshta kjo qeveri kaq lehtë dorëzon sovranitetin në veri të cilën e arritëm më shumë mund përmes dialogut të Brukselit”, ka shkruar ajo në një postim në Facebook.
Po ashtu, Tahiri shton se në qeveritë e kaluara është shtrirë sovraniteti në veri, ku është vendosur policia shtetërore dhe institucionet e drejtësisë.
Sipas saj, është urgjente të mbrohet veriu.
“Në qeveritë e kaluara e shtrijmë sovranitetin në veri, vendosem policinë shtetërore në veri dhe kufirin verior, vendosëm institucionet e drejtësisë dhe të tjera, ndërsa i shuam strukturat paralele serbe. Është urgjente të mbrohet veriu dhe t’i rikthehet sovraniteti shtetit të Kosovës në veri”, ka thënë Tahiri. /Teve1.info/