Avdia ka thënë se duhet t’iu ndalohet “rreptësisht” avancimi dhe financimi “i strukturave kriminale të cilët kanë qenë të veshura me rroba të policisë në veri të vendit”.
“Veprimi i parë që duhet t’i kërkohet kryeministrit dhe neve si institucione dhe partnerët ndërkombëtar, është që duhet të ndalohet rreptësisht avancimi dhe financimi i strukturave kriminale të cilët kanë qenë të veshura me rroba të policisë në institucionet tona në veri të vendit, për arsye se lexova disa materiale nga Kuvendi që Vuçiqi ka kërkuar 60 deri 80 milion euro shtesë për strukturat dhe mbështetje të popullsisë atje. Ku nga 84.5 milionë euro që kanë paraparë për këtë vit, ata arrin shumën diku në 130 milionë euro, në bazë të këtij veprimi Vuçiqi po tenton t’i financojë, aktivizojë strukturat paralele”, ka deklaruar ai në emisionin “Info Nata” në Tëvë1.
Sipas tij, ndërkombëtarët duhet të bëjnë presion ndaj presidentit të Serbisë, Aleksandar Vuçiq.
“Hapi i parë duhet t’iu kërkohet ndërkombëtarëve që ndërpritet ky lloj financimi dhe kjo lloj mbështetje dhe të mos lejohet që këto struktura të mos kthehen në një ogurzi për qytetarët atje. Faktori ndërkombëtar të bëjë këtë presion ndaj Vuçiqit”, tha Avdia. /Teve1.info/
