Napoli nuk po ndalon së fituari në Serie A. Napolitanët të martën mbrëma rreshtuan fitoren e dhjetë rresht, derisa triumfuan 2:0 ndaj Empolit, ndeshje kjo që i ka takuar xhiros së 14-të të kampionatit italian
Te fitorja e vështirë, Napoli e arriti në pjesën e dytë. Hirving Lozano realizoi penallti në minutën e 69-të, ndërsa Piotr Zielinski shënoi për 2:0 në minutën e 88-të. Napolit për shkak të një lëndimi po i mungon Amir Rrahmani. Për Empolin ndeshjen e kompletuan Ardian Ismajli dhe Nedim Bajrami.
Napoli tani udhëheq në tabelë me 38 pikë, nëntë më shumë se Milani që nuk e ka luajtur ende ndeshjen e xhiros së 14-të. Empoli është i 14-ti me 14 pikë. Napoli nuk është mposhtur ende këtë edicion. Ka 12 fitore e dy barazime.
