Wolfsburg ka korrur një sukses të madh në kuadër të xhiros së 14-të në Bundesligë. Ujqërit triumfuan ndaj Borussia Dortmundi me rezultat 2-0, derisa arritën të shënon që në start të takimit, duke konfirmuar ecurinë pozitive që po kalojnë.
Mickey van de Ven ishte ai që shënoi në minutën e 6-të të takimit për 1-0. Pjesa e parë edhe pse solli shumë raste të tjera gola më nuk kishte.
ADVERTISEMENT
Për të parë golin e dytë u desh të pritej koha e shtesë e pjesës së dytë, kur Patrick Wimmer gjeti Lukas Nmecha i cili nga afër shënoi për 2-0.
Dortmund pas kësaj humbje mbetet në vendin e katërt me 25 pikë, ndërsa Wolfsburg ngjitet në vendin e tetë me 20 pikë.
