Nga Zyra e Kryeministrit kanë bërë të ditur se në këtë takim është diskutuar për mbrojtjen e të drejtave të punëtorëve në sektorin publik dhe atë privat.
“Në kuadër të komunikimit të rregullt, Kryeministri Kurti dhe z. Hykolli në këtë takim diskutuan për bashkëpunimin e ndërsjellë ndërmjet qeverisë dhe BSPK-së për mbrojtjen dhe avancimin e të drejtave të punëtorëve në sektorin publik dhe privat”, thuhet në njoftim.
Në gusht të këtij viti Bashkimi i Sindikatave të Pavarura të Kosovës kishte shpallur grevë. Ata kërkonin miratimin e Ligjit për paga si dhe shtesën prej 100 eurove për punëtorët e sektorit publik deri në miratimin e tij. BSPK-ja më 1 tetor pati pezulluar grevën e filluar më 25 gusht, teksa sipas tyre do të jetë e pezulluar deri në janar të vitit 2023. /Teve1.info/
