Me rastin e këtij organizimi, Kryeministri i vendit, Albin Kurti ka bërë të ditur se Qeveria e Kosovës në muajin shtator 2022 ka propozuar që regjistrimi i ardhshëm në teren vendin të zhvillohet nga 1 shtatori deri me 16 tetor 2023.
“Të dhënat mbi madhësinë, shpërndarje dhe përbërjen e popullsisë, kushtet e jetesës e niveli i edukimit janë bilanci empirik i së tashmes dhe baza e politikave për të ardhmen”, tha Kurti.
Sipas Kryeministrit,të dhënat nga regjistrimit i popullsisë do të ndihmojnë për të ngritur transparencën dhe llogaridhënien.
“Të dhënat na ndihmojnë që të sigurojmë nivel më të lartë të transparencës dhe llogaridhënies. Ato janë pikë referuese për një planifikim afatgjatë dhe parashikimi të zhvillimeve të rëndësishme socio-ekonomike…Për zhvillim ekonomik dhe social është e domosdoshme të kemi të dhëna të besueshme dhe të detajuara. Regjistrimi i popullsisë dhe i ekonomive familjare dhe banesave përbënë një prej ndërmarrjeve më të rëndësishme institucionale në vendin tonë”, shtoi ai./Teve1.info/
