Nga PK-ja kanë bërë të ditur se 27-vjeçari dyshohet se nga ankuesi ka përvetësuar një shumë parash (vlera e përafërt arrin deri në 38500 euro).
“Mbështetur në rezultatet e para të hetimit, policia ka ngritur dyshimin e bazuar se i njëjti dyshohet se duke keqpërdorë besimin, nga ankuesi ka përvetësuar një shumë parash (vlera e përafërt arrin deri në 38500 euro)”, thuhet në njoftim.
Sipas Policisë, i dyshuari është dërguar në mbajtje për 48 orë.
“Hetuesit nga Njësiti i Hetimeve të Përgjithshme të rajonit të Prishtinës, mbrëmë kanë arrestuar një person të dyshuar për veprën penale keqpërdorim i besimit të raportuar më datë 05.11.2022. Puna e hetuesve policor ka rezultuar me identifikimin e personit të dyshuar dhe arrestimin e tij. Personi i dyshuar: – F.A, mashkull 27 vjeç, shtetas i Republikës së Kosovës, me vendim mbi ndalimin e personit të dyshuar të nxjerrë nga ana e prokurorit të shtetit, është dërguar në qendrën e mbajtjes për 48 orë”, thuhet më tej në njoftim. /Teve1.info/
