Në Kosovë aktualisht janë 9 vatra zjarri aktive ndërsa që në 12 orët e fundit janë regjistruar gjithsej 61 vatra zjarri në vend.
Ndërsa,52 vatra janë lokalizuar falë intervenimit të Njësive të Zjarrfikësve dhe strukturave të tjera mbështetëse.
Sipas Agjencisë së Menaxhimit Emergjent situata aktuale është e menaxhueshme.
“Menaxhimi i situatës po zhvillohet në koordinim të ngushtë me Njësitë e Zjarrfikës, Qendrat Operative 112 dhe Policinë e Kosovës. Nga vlerësimet dhe analizat e bëra, situata paraqitet e menaxhueshme, pasi të gjitha vatrat aktive janë nën monitorim të vazhdueshëm dhe ekipet zjarrfikëse janë në terren. AME/MPB shpreh mirënjohje për përkushtimin e Zjarrfikësve, për Policisë e Kosovës, KFOR-in, Komunat dhe Qytetarëve që kanë kontribuar në menaxhimin e situatës”, thuhet në AME.
