Gara për titullin e kampionit në Grupin A të Ligës së Parë të Kosovës në futboll, po bëhet gjithnjë e më interesante.
Derbi i xhiros së 20-të, ai ndërmjet Drenicës dhe Trepçës ’89, i luajtur të hënën në stadiumin “Bajram Aliu” në Skënderaj, ka përfunduar me fitoren 2:0 të ekipit nga Mitrovica.
Godswill Chinwendu në minutën e 13-të dhe Ardian Hasani në minutën e 80-të, shënuan golat për të konfirmuar fitoren e 89-shit.
Me këtë fitore, Trepça ’89 ngjitet në vendin e dytë në tabelë me 37 pikë, katër më pak se Drenica që është e para kurse Vëllaznimi e Liria ndajnë pozitat tre dhe katër me nga 34 pikë të mbledhura.
Në xhiron e 21-të, Drenica do të jetë mysafire e Lirisë kurse Trepça ’89 përballet me Mitrovicën.
