Organizata jo-qeveritare OVD-Info e cila monitoron arrestimet gjatë protestave, ka deklaruar se Policia kishte arrestuar 817 persona gjatë demonstratave në 37 qytete në Rusi.
Ndërkaq, forcat e zbatimit të ligjit në Moskë kanë deklaruar se kishin arrestuar rreth 300 njerëz në qendër të qytetit për shkelje të rendit publik, raporton CNN.
Ndryshe, Rusia ka goditur të dielën objektin i cili ka shërbyer si qendër vendimtare për bashkëpunimin midis Ukrainës dhe vendeve të NATO-s.
Nga ky sulm u vranë 35 persona.
Siç raporton Associated Press më shumë se 30 raketa lundrimi ruse shënjestruan objektin i cili ndodhej në Ukrainën perëndimore, jo shumë larg kufirit me Poloninë anëtare të NATO-s dhe që është përdorur prej kohësh për të trajnuar personelin ushtarak ukrainas, shpesh me instruktorë nga SHBA dhe vende të tjera në aleancën perëndimore.
Një sulm kaq afër kufirit ishte i rënduar me simbolikë në një konflikt ka ringjallur rivalitetet e vjetra të Luftës së Ftohtë që lindi NATO-n dhe kërcënoi të rishkruajë rendin aktual të sigurisë globale.
