Më 10 korrik, u takuan në Kuvendin e Kosovës.
Kryeministri në detyrë, Albin Kurti dhe kryetari i Lidhjes Demokratike të Kosovës, Lumir Abdixhiku, bashkë me kandidaten e LDK-së për Presidente, Vjosa Osmani, diskutuan për më shumë se dy orë për formimin e institucioneve.
Por, këto zhvillime, të paktën për një kohë do të ndërpriten.
Kjo pasi në zyret e LDK-së, u deponuan 148 nënshkrime të delegatëve të partisë, të cilët po duan shkarkimin e kryetarit Abdixhiku.
Prandaj, çështja e formimit të institucioneve, do ta nxitoj edhe LDK-në në përgatitjet për Kuvendin e jashtëzakonshëm.
“Mendojmë që është me urgjencë, prandaj punët janë duke u kryer shpejt në mënyrë që të verifikohet kërkesa, të verifikohen delegatët dhe të bëhen të gjitha përgatitjet për Kuvendin e Lidhjes Demokratike të Kosovës”
Afati i fundit për thirrjen e seancën konstituive të Kuvendit, është 7 gushti.
Për t’i shmangur zgjedhjet e reja, në Vetëvendosje thonë se janë të gatshëm që t’i vazhdojnë takimet.
“Ne përpiqemi maksimalisht. Jemi aktiv e konstruktiv për takime dhe bashkëbisedime, të hapur e të sinqertë për marrëveshje. Shpresojmë që opozita nuk do të barrikadohet kundër dhe të na çojë në zgjedhje përsëri”, tha zëdhënësi i Qeverisë, Arlind Manxhuka.
Në të njëjtën ditë të takimit me Abdixhikun e Osmanin, Kurti priti në takim edhe kryetarin e PDK-së, Bedri Hamza.
Megjithatë, Hamza bëri të ditur se qëndrimi i PDK-së është qëndrimi në opozitë.
