Presidenti i SHBA-së, Donald Trump, ka dalë në mbështetje të presidentit të FIFA-s, Gianni Infantino, i cili po përballet me presion të madh për shkak të planit të dështuar për lejimin e investimeve private në Kupën e Botës.
Trump ka thënë se FIFA nuk do të ishte “kurrë aq e suksesshme apo fitimprurëse” pa Infantinon.
“FIFA do të bënte një gabim të tmerrshëm nëse, për çfarëdo arsye, do të mendonte ta zëvendësonte presidentin Gianni Infantino. Ai është fantastik dhe sapo ka drejtuar Kupën e Botës më të suksesshme, katër herë më të suksesshme se çdo tjetër që është zhvilluar më parë”, ka deklaruar Trump.
Federatat e futbollit nga Evropa, Amerika e Veriut dhe Azia kanë kërkuar largimin e Infantinos, ndërsa kanë bërë thirrje edhe për një rishikim të pavarur të propozimit të braktisur.
Në një letër të përbashkët, federatat kanë deklaruar se Infantino ka dëmtuar besimin e tyre përmes “mashtrimit” dhe se ka “vendosur veten mbi kolektivin”.
Pavarësisht presionit, Trump ka vendosur ta mbështesë publikisht Infantinon, me të cilin ka pasur bashkëpunim të ngushtë gjatë Kupës së Botës 2026.
