Ministri në detyrë i Mbrojtjes, Ejup Maqedonci ka takuar ambasadorin e Mbretërisë së Bashkuar, Jonathan Hargreaves me të cilin ka zhvilluar një diskutim mbi zhvillimet aktuale të sigurisë dhe forcimin e bashkëpunimit dypalësh në fushën e mbrojtjes.
Gjatë këtij takimi, ata kanë diskutuar për situatën aktuale të sigurisë në rajon dhe më gjerë, si dhe rëndësinë e koordinimit me partnerët strategjikë.
Derisa, Maqedonci i ka shpreh mirënjohje ambasadorit për mbështetjen e vazhdueshme që Mbretëria e Bashkuar i ka dhënë Kosovës.
Në fund, ata kanë rikonfirmuar angazhimin e përbashkët për të thelluar bashkëpunimin në dobi të paqes, sigurisë dhe stabilitetit rajonal./teve1.info/
