Një 61-vjeçar ka vdekur pasditen e sotme në një motel në Ferizaj, konkretisht në magjistralen Ferizaj – Prishtinë.
Kështu ka bërë të ditur për teve1.info, zëdhënësi i Policisë për rajonin e Ferizajt, Kanun Veseli, i cili tha se ai është gjetur pa shenje jete brenda dhomës së motelit.
Policia thotë se 61-vjeçari ishte shtetas i Maqedonisë së Veriut.
“Më datën 15.02.2024, rreth orës 16:35 kemi pranuar një informatë se në rrugën magjistrale Ferizaj-Prishtinë, në një motel në Ferizaj, një person, mashkull, i moshës 61 vjeçar, shtetas i Maqedonisë së Veriut është gjetur pa shenja jete, vdekja e të cilit është konfirmuar nga mjekët kujdestar”, tha Veseli.
Ndërkohë, ky rast është cilësuar si “Hetim mbi vdekjen”.
Ndërkaq, trupi i pajetë është dërguar në Institutin e Mjekësisë Ligjore në Prishtinë për obduksion./teve1.info/
