Banorë të 60 shtëpive në rrugën ’’Vaçe Zela’’ në lagjen Zabel të komunës së Gjilanit tash e sa kohë ankohen për infrastrukturën e dobët të rrugës.
Kjo pasi që rruga kryesore në këtë pjesë është e pa asfaltuar.
E si hall tjetër, banorët e kësaj ane e kanë edhe mungesën e kanalizimit.
Derisa shprehen të shqetësuar tregojnë se në vazhdimësi kanë marrë premtime nga Komuna por nuk është ndërmarrë asgjë.
“Shqetësuese është. Është pa shtru. pa kanalizim kur bie shi na hyn në oborre, edhe kur kalon vetura na hyn uji brenda. Kanë premtu në fushatë por nuk kanë intervenu asgjë”, thotë Habib Ibrahimi, banor i lagjes “Vaçe Zela”.
“Banojmë qe 50 vite në këtë lagje, siç është e theksuar kjo rrugë është e dëmtuar qe 40 vite besoj, premtimet i kemi pas nga qeveria e kaluar që do të rregullohet edhe tash pritet që të rregullohet. Është shqetësuese për banorët kanalizimi është i dëmtuar tepër edhe ujësjellësi ashtu ka ndërprerje të ujësjellësit’’, thotë banori tjetër, Habib Ibrahimi.
Ekipi i Tëvë1 ka kontaktuar Komunën e Gjilanit për të mësuar më shumë rreth ankesës së këtyre banorëve, mirëpo të njëjtit nuk kanë qenë të qasshëm.
Kronika e realizuar nga gazetarja Lendrina Kodrolli.
