Kanë kaluar gati një muaj që kur Policia e Kosovës është sulmuar në veri të Mitrovicës për herë të parë, e që më vonë u sulmuan edhe pesë herë të tjera.
Por edhe pas 30 ditëve, ende nuk ka pistë hetimi nga organet e rendit.
Nga Sindikata e Policisë së Kosovës thonë se këto sulme dyshohet që ndodhën jashtë kufirit të Kosovës, e rrjedhimisht po e bëjnë edhe më të vështirë hetimin.
E këtë po e sheh si shqetësuese njohësi i sigurisë, Bedri Elezi.
Sipas Elezit në hetimin e këtij rasti është dashur të angazhohet edhe Agjencia e Kosovare e Inteligjencës.
Kurse nga Prokuroria Speciale nuk kanë kthyer përgjigje televizionit se deri ku kanë shkuar hetimet për sulmet ndaj policëve.
Vetëm gjatë muajit prill, ndaj Policisë së Kosovës në Veri të Mitrovicës kanë ndodhur gjashtë 6 sulme.
E sulmet ndaj zyrtarëve policor kane ndodhur me mjete pirtokenike, gur e kallashnikovë.
Raporti i gazetares Doresa Geci.
