Mediet greke raportojnë për një person të plagosur rëndë nga të shtënat që u dëgjuan në mesnatë në rrugët e Selanikut.
Sipas informacioneve paraprake bëhet fjalë për një emigrant, i cili është sulmuar nga një grup prej gjashtë personash njëri prej tyre e qëlloi me armë zjarri.
Sipas dëshmitarëve okularë, në vendngjarje janë dëgjuar të paktën tre të shtëna, raporton abcnews.al.
Nga informacionet që po shqyrtohen nga policia, mësohet se një nga 6 personat që dyshohet se janë përfshirë në ngjarjen e përgjakshme, para se të largohej nga vendi i ngjarjes, është kthyer dhe ka mbledhur gëzhojat për të mos gjetur gjurmë.
Ndërkohë i plagosuri ka arritur të shkojë në një pikë karburanti në kryqëzimin e rrugëve Venizelou dhe Lagada ku ka kërkuar ndihmë nga punonjësi, i cili ka telefonuar menjëherë ambulancën.
Sipas mjekëve emigranti i plagosur ka marrë plagë në kraharor dhe shpinë.
Të njëjtat informacione thonë gjithashtu se i riu është dërguar në spitalin Papageorgiou dhe ndodhet në gjendje kritike për jetën.
Hetimet nga autoritetet për identifikimin e autorëve vijojnë, ndërsa janë arrestuar gjashtë persona, të cilët nuk dihet ende nëse kanë lidhje me ngjarjen./abcnews.al/
